പരിപ്പ്‌, സാമ്പാര്‍, അവിയല്‍, തോരന്‍, പച്ചടി, പായസം..
(നാലു പേര്‍ക്ക്‌ ഏമ്പക്കം വിടുവാന്‍)
പരിപ്പ്‌
ചെറുപയര്‍ പരിപ്പ്‌ ഒരു കപ്പ്‌
തേങ്ങ ചുരണ്ടിയത്‌ ഒരു കപ്പ്‌
വെളുത്തുള്ളി രണ്ട്‌ അല്ലി
കറിവേപ്പില ഒരു തണ്ട്‌
മഞ്ഞള്‍ പൊടി കാല്‍ റ്റീസ്പൂണ്‍
ഉണ്ടാക്കുന്ന വിധം
പരിപ്പ്‌ ഉടയുന്നതു വരെ വേവിക്കുക,വെള്ളമധികം പാടില്ല.തേങ്ങയും മറ്റ്ചേരുവകളും നേര്‍മ്മയായി അരച്ചെടുക്കണം. വെന്ത പരിപ്പിലേക്ക്‌ അരപ്പും ആവശ്യത്തിന്‌ ഉപ്പും ചേര്‍ത്തിളക്കിയെടുക്കാം. കടുകു വറുക്കാതെയോ അല്ലാതെയോ ഉപയോഗിക്കാം.
സാമ്പാര്‍
തുവരപ്പരിപ്പ്‌ അര കപ്പ്‌
പച്ചക്കറികള്‍ ഒരിഞ്ച്‌
ചതുരങ്ങളാക്കിയത്‌ (വെള്ളരിക്ക, കുമ്പളങ്ങ, ചേന,വെണ്ടയ്ക്ക, മുരിങ്ങയ്ക്ക. എല്ലാം 100 ഗ്രാം വീതം)പച്ചമുളക്‌ രണ്ടെണ്ണം
*മല്ലി നാലു റ്റീസ്പൂണ്‍
*ഉണക്ക മുളക്‌ അഞ്ചെണ്ണം
*ഉലുവ കാല്‍ റ്റീസ്പൂണ്‍
*കടലപ്പരിപ്പ്‌ ഒരു റ്റീസ്പൂണ്‍
*മഞ്ഞള്‍പ്പൊടി അര റ്റീസ്പൂണ്‍
* എല്ലാം നേര്‍മ്മയായി അരച്ചെടുക്കണം
പാല്‍ക്കായം കാല്‍ റ്റീസ്പൂണ്‍ (വെള്ളത്തില്‍ അലിയിക്കുക)
കറിവേപ്പില രണ്ട്‌ തണ്ട്‌
വാളന്‍ പുളി ഒരു വലിയ നെല്ലിക്ക വെലുപ്പ്പ്പത്തില്‍
ഉപ്പ്‌ ആവശ്യത്തിന്‌
തുവരപ്പരിപ്പ്‌ നല്ലോണ്ണം വേവിക്കുക, അരപ്പും ബാക്കി ചേരുവകളെല്ലാം കൂട്ടി ചേര്‍ത്ത്‌ വേവിച്ച്‌ കടുകു വറുത്തെടുക്കാം.
അവിയല്‍
ചേന, കായ, പയര്‍, മുരിങ്ങയ്ക്ക, വെള്ളരിക്ക. എല്ലാം 100 ഗ്രാം വീതം നീളത്തിലരിഞ്ഞത്‌
പച്ചമാങ്ങ ഒരെണ്ണം/പുളിച്ച തൈര്‌ ഒരു കപ്പ്‌.
പച്ചമുളക്‌ രണ്ടെണ്ണം
*തേങ്ങ ചുരണ്ടിയത്‌ രണ്ട്‌ കപ്പ്‌
*ജീരകം കാല്‍ റ്റീസ്പൂണ്‍
*മഞ്ഞള്‍പ്പൊടി അര റ്റീസ്പൂണ്‍
*ഉണക്ക മുളക്‌ രണ്ടെണ്ണം
*ചെറിയ ഉള്ളി നാലെണ്ണം
*കറിവേപ്പില ഒരു തണ്ട്‌
* എല്ലാം ചതച്ചെടുക്കണം
വെളിച്ചെണ്ണ ഒരു റ്റീസ്പൂണ്‍
പച്ചക്കറികള്‍ ഉപ്പിട്ട്‌ വേവിച്ച്‌ വെള്ളം വറ്റിക്കണം. നടുക്ക്‌ ഒരു കുഴിയുണ്ടാക്കി അരപ്പ്‌ ചേര്‍ത്ത്‌ മൂടി തീ കുറയ്ക്കുക. പത്ത്‌ മിനുട്ടിനു ശേഷം ഇളക്കി വെളിച്ചെണ്ണയൊഴിച്ച്‌ എടുക്കാം.
തോരന്‍
പയര്‍ (ബീന്‍സ്‌,അച്ചിങ്ങ)/ കാബേജ്‌ / പടവലങ്ങ / കായ കാല്‍ കിലോ
പച്ചമുളക്‌ രണ്ടെണ്ണം
വെളുത്തുള്ളി നാല്‌ അല്ലി
തേങ്ങ ചുരണ്ടിയത്‌ ഒരു കപ്പ്‌
ജീരകം കാല്‍ റ്റീസ്പൂണ്‍
മഞ്ഞള്‍ പൊടി കാല്‍ റ്റീസ്പൂണ്‍
കറിവേപ്പില ഒരു തണ്ട്‌
കടുക്‌ അര റ്റീസ്പൂണ്‍
വെളിച്ചെണ്ണ രണ്ട്‌ റ്റിസ്പൂണ്‍
ഉപ്പ്‌ ആവശ്യത്തിന്‌
കടുക്‌ പൊട്ടിച്ച്‌ ചേരുവകളെല്ലാം ചേര്‍ത്ത്‌ വേവിച്ചെടുക്കാം.
പച്ചടി
വെള്ളരിക്ക ഈര്‍ക്കില്‍ കനത്തില്‍ അരിഞ്ഞത്‌ രണ്ട്‌ കപ്പ്‌
കറിവേപ്പില ഒരു തണ്ട്‌
കട്ടി മോര്‌ 2 കപ്പ്‌
പച്ച മുളക്‌ രണ്ടെണ്ണം
കടുക്‌ അര റ്റിസ്പൂണ്‍
തേങ്ങ ചുരണ്ടിയത്‌ ഒരു കപ്പ്‌
തേങ്ങ ചുരണ്ടിയതും കടുകും നേര്‍മ്മയായി അരച്ചെടുക്കണം. വെള്ളരിക്കയും കറിവേപ്പിലയും അല്‌പം വെള്ളമൊഴിച്ച്‌ വേവിക്കണം. വെള്ളം വറ്റുമ്പോള്‍ അരപ്പ്‌ ചേര്‍ക്കണം. വീണ്ടും വെള്ളം വറ്റുമ്പോഴേക്കും മോരൊഴിച്ച്‌ എടുക്കാം. കടുകു വറുക്കണം.
പായസം(പാലട പ്രധമന്‍)
അട കാല്‍ കിലോ
പഞ്ചസാര അര കിലോ /രുചിക്ക്
പാല്‍ 4 ലിറ്റര്
കണ്ടന്‍സ്ഡ്‌ പാല്‍ 100 മിലി
കശുവണ്ടി,കിസ്മിസ്‌, 50 ഗ്രാം
നെയ്യ്‌ ഒരു ടേബിള്‍സ്പൂണ്
അട വേവിച്ച്‌ തണുത്ത വെള്ളത്തിലിടുക എന്നിട്ട്‌ വെള്ളം ഊറ്റിക്കളയുക. പാല്‍ തിളപ്പിക്കുക കരിയാതെയും തൂവാതെയും ശ്രദ്ധിക്കണം. ഒന്നൊന്നര മണിക്കൂര്‍ കഴിയമ്പോഴേക്കും പാലിന്‌ ഒരു ഇളം ചുവപ്പു നിറമാകും. അപ്പോള്‍ വേവിച്ചു വച്ച അടയും പഞ്ചസാര ഉരുക്കിയതും ചേര്‍ത്ത്‌ ഒരു മണിക്കൂറോളം ഇളക്കുക. ഇതില്‍ കണ്ടന്‍സ്ഡ്‌ പാല്‍ ചേര്‍ക്കണം. അവസാനമായി കശുവണ്ടിയും കിസ്മിസ്സും നെയ്യില്‍ മൂപ്പിച്ച്‌ ചേര്‍ക്കാം.
ഇതിന്റെ ഒക്കെ കൂടെ അല്‌പം അച്ചാറും ഒരു പപ്പടവും ഇത്തിരി മോരും കൂടെ ആയാല്‍ ഒരു സിമ്പിള്‍ ഓണസ്സദ്യ അടിക്കാം.
Wednesday, August 15, 2007
ഒരു സിമ്പിള്‍ ഓണസ്സദ്യ.
Subscribe to:
Post Comments (Atom)
6 comments:
ഇതിന്റെ ഒക്കെ കൂടെ അല്‌പം അച്ചാറും ഒരു പപ്പടവും ഇത്തിരി മോരും കൂടെ ആയാല്‍ ഒരു സിമ്പിള്‍ ഓണസ്സദ്യ അടിക്കാം.
അടിപൊളി. പിന്നെ, ഈ പരിപ്പില്‍ തേങ്ങ ഇടുന്നത് കേട്ടിട്ടില്ലായിരുന്നു.
ചക്കരേ, നന്ദി. ഈ ഓണത്തിന് ഈ സിമ്പിള്‍ സദ്യതന്നെ!
കുട്ടന്മേനോനേ, പരിപ്പില്‍ തേങ്ങാ ചേര്‍ക്കാതെയെങ്ങനെയാണ് സദ്യയ്ക്ക് കറിവയ്ക്കുന്നത്?
Cool..thank you
simple,
but
very simple
thank you ..
കൊള്ളാമല്ലോ... സദ്യയ്ക്കുള്ളതായി...
:)
Post a Comment