Thursday, December 07, 2006

തേങ്ങാച്ചോറ്

പുഴുങ്ങലരി-2 ഗ്ളാസ്സ്
ചുവന്നുള്ളി-15 അല്ലി
ഉലുവ-2 സ്പൂണ്‍
ഉപ്പു-പാകത്തിന്
തേങ്ങാ ചിരകിയത്-1/2 തേങ്ങയുടെ
വെള്ളം-8 ഗ്ളാസ്സ്

വെള്ളം ഒഴികെയുള്ള ചേരുവകള്‍ നന്നായി തിരുമ്മി 6 ഗ്ളാസ് വെള്ളം ഒഴിച്ച് വേവിക്കുക.ബാക്കിയുള്ള വെള്ളം ചെറിയതീയില്‍ ചൂടാക്കിയിടുക.വെള്ളം വറ്റിയിട്ടും അരി വെന്തിട്ടില്ലെങ്കില്‍ ചൂടു വെള്ളം ഒഴിച്ച് വേവിക്കുക.

തേങ്ങാച്ചോര്‍ ഇറച്ചിക്കറിയും പപ്പടവും അച്ചാറും കൂട്ടിക്കഴിക്കാം.

ഉണ്ടാക്കുന്നതിന്‌ മുമ്പ് അടുത്തുള്ള ഹോട്ടലിലെ മെനു ചോദിച്ചു വെക്കുക.

9 comments:

വല്യമ്മായി said...

തേങ്ങാച്ചോറ്-ഒരു മലബാര്‍ വിഭവം.സമര്‍പ്പണം" ഇടങ്ങള്‍" അബ്ദുവിന്‌

Abdu said...

അനന്തര ഫലമായുണ്ടാവുന്ന എല്ലാതരം ചോറുകളുടേയും ഉത്തരവാദിത്തവും അവയുടെ പകര്‍പ്പവകാ‍ശവും വല്ല്യമ്മായി മാത്രം നിക്ഷിപ്തമായിരിക്കും.

Anonymous said...

വല്യമ്മായിയേ.. അടുത്ത ഹോട്ടലിലെ മെനു എന്തിനാണ്‌? ഇത്‌ ശരിയാകില്ലെന്ന്‌ അത്ര ഉറപ്പാണോ.

കൃഷ്‌ | krish

വിചാരം said...

എന്‍റെ ഉമ്മയുടെ ഇഷ്ട ഭക്ഷണങ്ങളിലൊന്ന് ..ഞങ്ങള്‍ ഒന്‍പത് മക്കള്‍ക്കും ഒരേപോലെ ഇഷ്ടമുള്ളൊരു ചെലവ് കുറഞ്ഞ ഭക്ഷണം ... വല്യമ്മായി ഒരു നാള്‍ അങ്ങോട്ട് വരുന്നുണ്ട് ഇതെല്ലാം തിന്നാനായിട്ട്

തറവാടി said...

വിചാരം,

വരുന്നതൊക്കെ കൊള്ളാം , സ്വന്തമായുണ്ടാക്കിയേക്കണം , കൂട്ടത്തില്‍ ഞങ്ങള്‍ക്കും

ഞാന്‍ ഓടി , ഈ നാട്ടില്‍ നിന്നും

asdfasdf asfdasdf said...

ഉണ്ടാക്കുന്നതിന്‌ മുമ്പ് അടുത്തുള്ള ഹോട്ടലിലെ മെനു ചോദിച്ചു വെക്കുക...വല്യമ്മായിയുടെ പാചക(വിധി)യില്‍ ഇതും... തറവാടിയുടെ ഭാഗ്യം.

മുല്ലപ്പൂ said...

എന്നാ ഇതു കഴിക്കനാവുക :)

P Das said...

ഞായറാഴ്ച്ച ഞങ്ങക്ക് തേങ്ങാച്ചോറാണ്..

വിചാരം said...

തറവാടി.. മയില്‍ വാഹനത്തിന് വന്ന് കുഅരനല്ലോര്‍ ഇറങ്ങി ജീപ്പില്‍ കയറി തറവാടിയുടെ വീട്ട് മുറ്റത്ത് ഞാന്‍ എത്തും ഓടാനുള്ള സാവകാശം തരില്ല മോനെ ...